Galego Castellano
GaliciaLe
A plataforma de préstamo de obras en formato electrónico das bibliotecas públicas galegas
Galego Castellano
A plataforma de préstamo de obras en formato electrónico das bibliotecas públicas galegas
Se xa es socio/a dunha das bibliotecas da Rede de Bibliotecas Públicas de Galicia, soamente precisas introducir o usuario e contrasinal que che facilitaron na túa biblioteca.
Se esqueciches o teu contrasinal, preme aquí
Se desexas cambiar o teu contrasinal, preme aquí
Se non dispós de credenciais para acceder a GaliciaLe ou non as coñeces, podes solicitalas na túa biblioteca.
Se aínda non tes carné ou o que tés xa non está en vigor, diríxete a unha das bibliotecas da Rede de Bibliotecas Públicas de Galicia para obter a túa tarxeta de lector/a. Alí tramitarán o teu rexistro en GaliciaLe.
Unha vez rexistrado/a, e coas túas claves, xa podes acceder ao préstamo de obras en formato electrónico en galego ou en castelán premendo na icona correspondente.
As persoas que residan fóra de Galicia poderán facer uso do préstamo dixital en galego a través da plataforma de GaliciaLe, rexistrándose previamente neste enlace
Rexistrarse en GaliciaLe+
GaliciaLe é a plataforma de préstamo de libros, revistas, audiolibros e películas en formato electrónico das bibliotecas públicas galegas que ten por obxectivo facilitar o acceso de toda a cidadanía á cultura.
GaliciaLe proporciona un servizo de préstamo temporal de obras en formato dixital de temáticas diversas no que os intereses de todas as persoas lectoras terán o seu espazo (ficción, informática, historia, ocio etc.) e todas as idades o seu lugar.
En GaliciaLe o lector atopará dous catálogos: un que contén o “Catálogo galego” e outro que aloxa o “Catálogo en castelán”. As obras incluídas nestas dúas contornas poderán lerse e visionarse en dispositivos compatibles: tabletas, teléfonos móbiles e ordenadores persoais. No caso dos libros, poderá facelo, ademáis, desde un lector de libro electrónico.
Para poder acceder a GaliciaLe cómpre:
Comproba que dispós de conexión mediante wifi, datos móbiles etc. para iniciar a lectura.
Antes de descargar un libro electrónico, comproba que:
Poderás tomar en préstamo ata un máximo de tres libros en cada catálogo (tres no catálogo galego e outros tres no catálogo en castelán) que estarán á túa disposición durante un prazo de 21 días.
As películas poden visionarse en liña. Para iso, é preciso que antes comprobes se dispós de conexión mediante wifi, datos móbiles etc. para iniciar o visionado.
Poderás tomar en préstamo ata un máximo de dúas películas no catálogo galego e estarán á túa disposición durante un prazo de 48 horas.
